Rus bölməsində oxuyan şagirdlər öz tarixini ana dilində öyrənməlidir - Əmrullayev

 

"Rus bölməsində oxuyan hər bir şagird Azərbaycan dilini bilməlidir. Elə etməliyik ki, ana dilini anlayıb danışa bilsinlər. Rus bölməsində tarixin Azərbaycan dilində salınması məntiqi də budur ki, şagirdlər öz tarixini öz dilində oxusun. Burada xüsusi məntiq axtarmağa ehtiyac yoxdur. İkinci də şagirdlər məktəblərdə Azərbaycan dili fənni keçirlər. Onların bu dillə bağlı biliyi olmalıdır. Dəfələrlə demişəm ki, şagirdlər rus bölməsində oxuya bilər, amma Azərbaycan dil bilikləri yüksək olmalıdır", - nazir jurnalistlərə açıqlamasında deyib.  

 

 

2022-2023-cü tədris ilindən başlayaraq Azərbaycanın orta ümumi təhsil məktəblərinin rus bölməsində "Azərbaycan tarixi” fənninin dövlət dilində tədris olunmasına qərar verilib.  

Elm və təhsil naziri Emin Əmrullayevin müvafiq əmrinə əsasən, ötən tədris ilində ölkənin yalnız 20 ümumi təhsil müəssisəsinin tədrisi digər dillərdə aparılan bölmələrinin V siniflərində "Azərbaycan tarixi” fənni dövlət dilində tədris ediləcək. Cari ildə 20 məktəbdə pilot layihənin nəticələri təhlil edildikdən sonra növbəti il üçün qərar qəbul ediləcək. 

 

Gülnar