Rusiyanın quru qoşunları üçün texnika və silahın xarici sifarişlər portfeli 12 milyarddan artıqdır.
Bu barədə Nijni Tagildə açılan "Russia Arms Expo-2015” (RAE) sərgisində Rusiya Strateji Təhlil və Texnologiyalar Mərkəzinin baş direktorunun müavini İqor Sevastyanov bildirib.
Oxu.Az bu barədə İTAR-TASS-a istinadən xəbər verir.
Mərkəzin məlumatına görə, Rusiya ikitərəfli müqavilələr çərçivəsində Azərbaycana T-90C tankları, BMP-3, özüyeriyən artilleriya qurğuları, ağır alov saçan sistem göndərir.
Qeyd edək ki, bu gün Rusiyanın Nijni Tagil şəhərində "Russia Arms Expo-2015” silah-sursat və hərbi texnika sərgisi başlayıb. Sərginin təşkilatçıları 65 xarici nümayəndənin sərgiyə qatılacağını bildirib.
Sərgidə T-14 tankları və BMP-15 də daxil olmaqla, Rusiya zirehli texnikasının ən yeni nümunələri nümayiş olunur.
www.ann.az
Bizi sosial şəbəkələrdə izləyin !
