"Ədalətli Rusiya" partiyası qondarma erməni soyqırımını inkar edənləri cəzalandırmağı təklif edib.
ANS PRESS-in məlumatına görə, partiya üzvləri "soyqırım"ı inkar edənləri 5 il müddətinə azadlıqdan məhrum etməyə, yaxud onları 500 min rubl (8 min 50 manat) məbləğində cərimələməyi istəyirlər.
Bu haqda qanun layihəsini Rusiya Dövlət Dumasına bir qrup deputat təklif edib. Layihəni "Ədalətli Rusiya"nın lideri Sergey Mironov da dəstəkləyib.
Qanun layihəsində erməni xalqının Qərbi Ermənistan və Osmanlı Türkiyəsində 1915-ci ildən 1922-ci ilə qədər olan dövrdə "soyqırım"ı faktını inkar etməyə görə, eyni zamanda "bu cinayətlərin" təqdir edilməsinə görə 300 min rubl (4 min 830 manat) və ya 2 il ərzində əməkhaqqı dəyərində cərimələməklə, yaxud 3 il müddətinə azadlıqdan məhrum etməklə cəzalandırmaq təklif edilir.
Əgər bu, kütləvi informasiya vasitələrinin köməyilə edilibsə, cərimənin ən yüksək həddini 500 min rubla (8 min 50 manat) qədər artırmağın mümkün olduğu bildirilib. Belə olan halda azadlıqdan məhrum olma müddəti isə 5 ilə qədər artırıla bilər.
Türkiyənin F-16 qırıcısı Rusiyanın Su-24 hərbi təyyarəsini vurandan sonra 2 ölkə arasında münasibətlərin gərginləşdiyi bir dövrdə belə bir təklifin irəli sürülməsi o qədər də təəccüblü deyil. Hər iki ölkənin rəsmi şəxsləri münasibətlərin korlanmamasını istədiklərini bildirsələr də, Rusiyanın müxtəlif qurumları və partiya nümayəndələri öz narazılıqlarını və etirazlarını gizlətmirlər.
Məsələn, Rusiya Dövlət Dumasının deputatı Sergey Qavrilov Aya Sofyanı Ortodoks Kilsəsinə qaytarmasını istəyib. Ayasofya Türkiyənin İstanbul şəhərində yerləşən, əvvəl provoslav kilsəsi, daha sonra məscid, hal-hazırda isə muzey olan məbəddir.
Ümumiyyətlə, Rusiyada "erməni soyqırımı" ilə bağlı təklif edilən bu qanun layihəsi daim Türkiyəyə qarşı təzyiq və təsir vasitəsi kimi istifadə edilib və Fransada bir neçə il əvvəl - 2012-ci ilin əvvəlində qəbul edilib. Bundan başqa, qondarma erməni soyqırımı ilə bağlı karikaturalar dərsliklərə də salınmışdı.
Coğrafiya və tarix dərsliklərində çap edilmiş karikaturanın altında bunlar yazılıb: "Bu rəsmdən nə başa düşürsünüz və bu karikaturaya görə Türkiyə niyə AB-yə üzv ola bilməz?"
Lakin Fransadan fərqli olaraq, qonşu Rusiyada bu qanun layihəsinin qəbul edilməsi tək türklərin deyil, azərbaycanlıların da narazılığına səbəb olacaq. Çünki qəbul edilən qərar Rusiyada yaşayan yüz minlərlə azərbaycanlıya da şamil ediləcək.
Eyni zamanda Rusiya bu qərarla təkcə Türkiyədən vurulan Su-24-ə görə intiqam almayacaq. Bu həm də Azərbaycanın torpaqlarını işğal etmiş və hələ də bu torpaq iddialarından əl çəkməyən Ermənistanın saxta tarixini dəstəkləmiş olacaq.
ANS PRESS-in məlumatına görə, partiya üzvləri "soyqırım"ı inkar edənləri 5 il müddətinə azadlıqdan məhrum etməyə, yaxud onları 500 min rubl (8 min 50 manat) məbləğində cərimələməyi istəyirlər.
Bu haqda qanun layihəsini Rusiya Dövlət Dumasına bir qrup deputat təklif edib. Layihəni "Ədalətli Rusiya"nın lideri Sergey Mironov da dəstəkləyib.
Qanun layihəsində erməni xalqının Qərbi Ermənistan və Osmanlı Türkiyəsində 1915-ci ildən 1922-ci ilə qədər olan dövrdə "soyqırım"ı faktını inkar etməyə görə, eyni zamanda "bu cinayətlərin" təqdir edilməsinə görə 300 min rubl (4 min 830 manat) və ya 2 il ərzində əməkhaqqı dəyərində cərimələməklə, yaxud 3 il müddətinə azadlıqdan məhrum etməklə cəzalandırmaq təklif edilir.
Əgər bu, kütləvi informasiya vasitələrinin köməyilə edilibsə, cərimənin ən yüksək həddini 500 min rubla (8 min 50 manat) qədər artırmağın mümkün olduğu bildirilib. Belə olan halda azadlıqdan məhrum olma müddəti isə 5 ilə qədər artırıla bilər.
Türkiyənin F-16 qırıcısı Rusiyanın Su-24 hərbi təyyarəsini vurandan sonra 2 ölkə arasında münasibətlərin gərginləşdiyi bir dövrdə belə bir təklifin irəli sürülməsi o qədər də təəccüblü deyil. Hər iki ölkənin rəsmi şəxsləri münasibətlərin korlanmamasını istədiklərini bildirsələr də, Rusiyanın müxtəlif qurumları və partiya nümayəndələri öz narazılıqlarını və etirazlarını gizlətmirlər.
Məsələn, Rusiya Dövlət Dumasının deputatı Sergey Qavrilov Aya Sofyanı Ortodoks Kilsəsinə qaytarmasını istəyib. Ayasofya Türkiyənin İstanbul şəhərində yerləşən, əvvəl provoslav kilsəsi, daha sonra məscid, hal-hazırda isə muzey olan məbəddir.
Ümumiyyətlə, Rusiyada "erməni soyqırımı" ilə bağlı təklif edilən bu qanun layihəsi daim Türkiyəyə qarşı təzyiq və təsir vasitəsi kimi istifadə edilib və Fransada bir neçə il əvvəl - 2012-ci ilin əvvəlində qəbul edilib. Bundan başqa, qondarma erməni soyqırımı ilə bağlı karikaturalar dərsliklərə də salınmışdı.
Coğrafiya və tarix dərsliklərində çap edilmiş karikaturanın altında bunlar yazılıb: "Bu rəsmdən nə başa düşürsünüz və bu karikaturaya görə Türkiyə niyə AB-yə üzv ola bilməz?"
Lakin Fransadan fərqli olaraq, qonşu Rusiyada bu qanun layihəsinin qəbul edilməsi tək türklərin deyil, azərbaycanlıların da narazılığına səbəb olacaq. Çünki qəbul edilən qərar Rusiyada yaşayan yüz minlərlə azərbaycanlıya da şamil ediləcək.
Eyni zamanda Rusiya bu qərarla təkcə Türkiyədən vurulan Su-24-ə görə intiqam almayacaq. Bu həm də Azərbaycanın torpaqlarını işğal etmiş və hələ də bu torpaq iddialarından əl çəkməyən Ermənistanın saxta tarixini dəstəkləmiş olacaq.
www.ann.az
Bizi sosial şəbəkələrdə izləyin !
