Rusiya Ermənistana satdığı qazın qiyməti artıracaq

Rusiyadan Ermənistana nəql edilən qazın qiyməti artırılacaq.ANN.Az ANS PRESS-ə istinadən verdiyi xəbərə görə, Ermənistan Energetika Nazirliyində artıq bu məsələ narahatlıq doğurmağa başlayıb. Ötən ilin sonunda "Qazprom" ilə imzalanmış müqaviləyə əsasən, Ermənistana nəql edilən qazın qiyməti yaxın 5 ildə dəyişməməli idi.Ancaq burada bir nüans var. Qaz tarifi Rusiya daxili qiymətlərinə uyğunlaşdırılıb. Yəni, əgər Rusiya qiymətləri yüksəltsə, onda tarif dəyişəcək. Ermənistan Energetika Nazirliyi artıq qorxuya düşüb. Çünki ehtimal edilir ki, Rusiya hakimiyyəti qazın qiymətində artıma gedəcək və bunun hesabına ölkənin neft-qaz sistemindəki maliyyə itkilərini kompensasiya etməyə çalışacaq. Dünya bazarında neftin qiymətinin kəskin düşməsi Rusiyanı bu cür addımlar atmağa vadar edir.

İstisna olunmur ki, nəql edilən qazın tarifindəki dəyiklik artıq gələn ilin yazından mümkün ola bilər.

ANN.Az