Rusiya Ermənistanın KTMT-ya borcu olduğunu deyir

Dünya

11:16 | 06.12.2024

Rusiya Ermənistanın KTMT-ya borcu olduğunu deyir

Ermənistanın 2025-ci ilin sonuna qədər KTMT-yə üzvlük haqqı borcu ola bilər. Bu barədə Veronada keçirilən XVII Avrasiya İqtisadi Forumu çərçivəsində Rusiya xarici işlər nazirinin müavini Aleksandr Pankin RİA Novosti-yə bildirib.

Diplomat qeyd edib ki, hazırda Ermənistan Respublikasının 2024-cü il üçün borcu var.

"Bu, əslində qeyri-adi bir şey deyil. İstənilən KTMT üzvü borc toplaya bilər. Elə hallar olub ki, başqa ölkələrin də borcları olub”, - o bildirib.

Bundan əvvəl Ermənistanın baş naziri Nikol Paşinyan 2024-cü ilin fevralında respublikanın KTMT-də iştirakını dondurduğunu bəyan etmişdi.

Dekabrın 4-də Paşinyan bildirib ki, Ermənistanın KTMT-yə qayıtması getdikcə çətinləşir, hətta mümkün deyil.

Kollektiv Təhlükəsizlik Müqaviləsi Təşkilatının "Sarsılmaz qardaşlıq” adlı təlimləri artıq bir dəfə 2015-ci ildə Ermənistanda keçirilib. Həmin təlimlərdə Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.

2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.

KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.

Gülnar

www.anews.az

Bizi sosial şəbəkələrdə izləyin !