Baltik dənizində Rusiya gəmisi Almaniya Silahlı Qüvvələrinə məxsus helikopterə siqnal raketləri atıb. Bu barədə Almaniyanın DPA agentliyi özünə yazın mənbələrə istinadən məlumat yayıb. Xəbəri Die Welt nəşri dərc edib.
Agentliyin məlumatına görə, bu insidenti Almaniyanın xarici işlər naziri Annalena Berbok Brüsseldə NATO ölkələrinin xarici işlər nazirlərinin görüşü çərçivəsində qeyd edib.
Berbok hadisənin təfərrüatlarını açıqlamayıb. Hadisənin nə vaxt baş verdiyi məlum deyil və nəticələr barədə də məlumat verilmir.
DPA qeyd edir ki, siqnal sursatları yalnız fövqəladə hallarda istifadə olunur. Agentliyin məlumatına görə, helikopter Baltik dənizi üzərində müşahidə missiyası həyata keçirirdi. Berbokun sözlərinə görə, orada daim Rusiyaya qarşı sanksiyalardan yayınmağa kömək edən gəmilər mövcuddur. O, regionda kritik infrastrukturun qorunması üçün patrul sayının artırılacağını elan edib.
N.Təbrizli
www.anews.az
Bizi sosial şəbəkələrdə izləyin !
