Rusiya Ukraynaya hava zərbəsi endirib - Baş Qərargah
09.02.2023 11:07
Rusiya Ukraynaya gecə 3 raket və 45 hava zərbəsi endirib. Bu barədə Ukrayna Silahlı Qüvvələrinin Baş Qərargahı öz Facebook səhifəsində məlumat yayıb
Bildirilir ki, raket zərbəsi nəticəsində üç dinc sakin həlak olub, daha üç ukraynalının vəziyyəti ağırdır.
Rusiya xüsusən Xerson bölgəsindəki mülki infrastruktura 67 hücum həyata keçirib.
Rusiyanın bütün Ukrayna ərazisində növbəti hava və raket zərbələri təhlükəsi yüksək olaraq qalır.
Eyni zamanda Kupyanski və Limanski istiqamətlərində 25 yaşayış məntəqəsinin əraziləri atəşə tutulub.
Baxmut istiqamətində, ümumilikdə, 30-dan çox yaşayış məntəqəsi atəşə məruz qalıb.
Xerson istiqamətində 15 yaşayış məntəqəsinin rayonları və Xerson atəşə tutulub
Son 24 saat ərzində Müdafiə Qüvvələrinin aviasiyası işğalçıların şəxsi heyətinin və hərbi texnikasının cəmləşdiyi ərazilərə 21, zenit-raket komplekslərinin mövqelərinə isə üç zərbə endirilib.
Artilleriyaçılar və raketçilər isə Rusiyanın iki komanda məntəqəsini, üç canlı qüvvənin cəmləşdiyi ərazini, zenit-raket komplekslərinin üç mövqeyini, iki sursat anbarını və bir yanacaq-sürtkü anbarını vurublar.
Fevralın 8-də Ukrayna Rusların Çerniqov vilayətinin Semenov icmasına raket hücumu təşkil edib. Atışma nəticəsində iki nəfər həlak olub, daha iki nəfərin vəziyyətinin ağır olduğu bildirilib.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
