Rusiyada Dövlət Dumasının deputatları 2025-ci ildə Rusiyada minimum əmək haqqının 22 440 rubla(394 manat) çatdırılmasını təklif edən qanun layihəsini ikinci və üçüncü oxunuşda qəbul ediblər. Bu barədə Rusiya mətbuatı yazıb.
Dövlət Dumasının sədri Vyaçeslav Volodin bildirib ki, bu artım təxminən 4,2 milyon işləyən şəxsə şamil ediləcək.
Parlamentin aşağı palatasının spikeri əlavə edib ki, 2030-cu ilə qədər minimum əmək haqqının 35 min rubla(616 manat) çatdırılması planlaşdırılır.
Bir müddət öncə Azərbaycan Prezidenti İlham Əliyev də Milli Məclisdə çıxışı zamanı bildirib ki, Azərbaycanda minimum əmək haqqının və minimum pensiyanın artırılması ilə bağlı tapşırıq verib.
Hazırda ölkədə minimum əməkhaqqı 345 manat təşkil edir.
Aytac
www.anews.az
Bizi sosial şəbəkələrdə izləyin !
