ANN.Az ANS PRESS-ə istinadən xəbər verir ki, Ukraynanın Atom Elektrik stansiyaları ölkənin şərqindəki münaqişəyə görə xam enerji mənbələrindən məhrumdur. Kiyev hökuməti ötən bazar günündən etibarən Krıma qatar və avtobus nəqliyyat xidmətlərinə qadağa qoyub. Həmçinin Rusiyanın bu ilin martında ilhaq etdiyi regiona elektrik enerjisi verilişini əvvəllər dayandırıb.
Rusiya prezidentinin mətbuat katibi Dmitri Peskov TASS xəbər agentliyinə bildirib ki, Rusiya qabaqcadan ödəniş şərti olmadan Ukraynaya kömür və elektrik enerjisi verəcək. Bu addım prezident Vladimir Putinin Ukraynaya xoşməramlı jestidir: "Putin enerji təchizatı ilə bağlı böhran vəziyyətinə, həmçinin qabaqcadan ödəniş imkanının olmamasına görə, bu cür qərara gəlib."
Baş nazirin müavini Dmitri Kozak "Rossiya 24” televiziya kanalına bildirib ki, Rusiya Ukraynaya ayda 500 min ton kömür göndərməyi planlaşdırır. Növbəti razılıq əldə olunsa, Rusiya ayda əlavə 500 min ton kömür göndərməyə hazırdır.
Energetika Nazirliyinin statistikasına görə, Ukraynanın kömür ehtiyaları həmişəki 4-5 milyon tonluq qış ehtiyatı ilə müqayisədə indi 1,5 milyon tondur. Ukrayna əvvəllər elektrik enerjisi ilə özünü təmin edirdi. Separatçılarla aylardır davam edən münaqişə atom-elektirik stansiyalarının kömür enerjisi ilə təchizatını pozub. Kömür atom-elektrik stansiyaları üçün lazım olan enerjinin 40%-ni ödəyir.
Ukraynanın energetika naziri Voldimir Demçişin ötən həftə Rusiyanın Energetika Nazirliyi ilə kömür və elektrik təchizatı ilə bağlı danışıqlar apardığını bildirmişdi. Sərhəddə gecikmə olduğuna görə, Rusiyadan kömür idxalı ilə bağlı əvvəlki səylər uğursuz olmuşdu: "Təchizat Rusiya qiyməti ilə olacaq."
ANN.Az
Bizi sosial şəbəkələrdə izləyin !
