Ermənistanın baş naziri Nikol Paşinyan artıq Putinin qan düşmənidir. Bunu Gürcüstanın hazırda həbsdə olan sabiq prezidenti Mixail Saakaşvili "X" hesabından Nikol Paşinyana ünvanladığı müraciətdə bildirib.
Siz xalq üsyanları nəticəsində hakimiyyətə gəlmisiniz. Putinin terminologiyası ilə desək - rəngli inqilab və inanın ki, siz and içsəniz də, o sizi heç vaxt bağışlamaz və bağışlamayacaq. Üstəlik, sizin son bəyanatlarınızdan, siyasi gedişlərinizdən və xüsusən də Roma Nizamnaməsinin ratifikasiyasından sonra – o, sizin qan düşməninizdir və əlində olan bütün imkanlarla – daxili iğtişaşlarla, hərbi əməliyyatların təşviqi ilə sizi devirəcək. O, sizi iqtisadi cəhətdən boğacaq və hibrid müharibənin bütün arsenalından istifadə edəcək. Çox az vaxtınızın olduğunu xatırlamaq lazımdır. Sizin indiki dövlət aparatınız həqiqətən də Kremlin beşinci kolonudur. Avropaya inteqrasiyada gecikmisiniz", - Saakaşvili yazıb.
Keçmiş preizdent Paşinyana məsləhət edib ki, o dərhal MDB, KTMT, gömrük ittifaqından çıxsın və Avropa İttifaqı və NATO-ya müraciət etsin.
Saarkaşvili Ermənistanın Azərbaycanla dərhal sülh müqaviləsi imzalanmasına ehtiyac olduğunu açıqlayıb.
Sizdə şəxsi cəsarət və siyasi cəsarət əskik olmayacaq və ümid edirəm ki, Putinə sizi məhv etməyə və eyni zamanda ölkənizi məhv etməyə və regionumuzu tamamilə sarsıtmağa imkan verməyəcəksiniz.Hamımızın üzləşdiyi təhlükə çox realdır və dərhal hərəkətə keçməyi tələb edir. Ümid edirəm bu dəfə tərəddüd etməyəcəksiniz", - o müraciətdə vurğulayıb.
Gülnar Nazimqızı
www.anews.az
Bizi sosial şəbəkələrdə izləyin !
