Sabirabadda təcili tibbi yardım avtomobili qəzaya uğrayıb, xəsarət alanlar var

Cəmiyyət

22:15 | 18.09.2023

Sabirabadda təcili tibbi yardım avtomobili qəzaya uğrayıb, xəsarət alanlar var

Bu gün axşam saatlarında Sabirabad rayonu ərazisində hərəkətdə olan İmişli Rayon Mərkəzi Xəstəxanasının Təcili Tibbi Yardım Stansiyasının balansındakı "Mercedes" markalı nəqliyyat vasitəsi ilə "VAZ-21015" markalı nəqliyyat vasitəsi toqquşub.

DİN-in mətbuat xidmətinin Şirvan regional qrupundan bildirilib ki, hadisə nəticəsində "Mercedes" markalı nəqliyyat vasitəsində biri TTYS-nin əməkdaşı olmaqla, 3 nəfər, "VAZ-21015" markalı nəqliyyat vasitəsində isə 2 nəfər müxtəlif dərəcəli xəsarətlər alıblar.

Yaralılar Sabirabad Rayon Mərkəzi Xəstəxanasına çatdırılıb.

Faktla bağlı Sabirabad RPŞ-nin İstintaq Bölməsində araşdırmalar aparılır.

www.anews.az

Bizi sosial şəbəkələrdə izləyin !