"Sonra Ermənistan ordusu Dilqəm Əsgərov və Həsən Həsənovun axtarışına çıxıb. Quliyev tutulan kimi Dilqəm Əsgərovun orada olduğunu ermənilərə bildirib və deyib ki, guya, başçıları atamdır. 11 iyulda atışma zamanı Həsənov vurulduqdan sonra 14 iyulda atam tutulub”.
Bundan əlavə Əsgərov da Quliyevi "Paşinyanın dostu” adlandıraraq Həsən Həsənovun ölümündə onu günahlandırıb.
"Sherg.az” bu ittihamlara cavab almaq üçün Quliyevin özü ilə əlaqə saxlayıb və Şahbaz ittihamları cavabsız qoymayıb.
"Dilqəm deyir ki, o mənə ermənilərin yanında şillə vurub. Səni neçə kilometr belimdə daşıyanda yaxşı oldum, iki şilləyə görə pisəm? Bir də yaxşı edib vurmuşam. Özüm də deyirəm ki, ona iki şillə vurdum. Əcəb eləmişəm. Dilqəm yaxşı bilir niyə belə etdim. Dilinin üstündə! Deyirdi, guya Şahbazla Həsən hökumət adamıdır, ona görə vurdum. Nə hökumət adamı? Qəbir ziyarətinə getmişdik”.
www.anews.az
Bizi sosial şəbəkələrdə izləyin !