“Şahdəniz” yatağının əməliyyat xərcləri artıb
16.11.2020 22:30
Bu ilin üç rübü ərzinndə "Şahdəniz” konsorsiumu Xəzərin Azərbaycan sektorunda yerləşən eyniadlı qaz-kondensat yatağı üzrə fəaliyyətlərə 620 mln ABŞ dollarına yaxın əməliyyat xərcləri və 719 mln ABŞ dolları əsaslı xərclər çəkib.
Anews.az xəbər verir ki, bu barədə yatağın operatoru "BP-Azerbaijan” şirkətinin tərəfdaşları ilə birgə 2020-cu ilin üçüncü rübünün yekunları ilə bağlı yaydığı hesabatda qeyd edilib.
Bu ilin üç rübü ərzinndə "Şahdəniz” yatağı üzrə əməliyyat xərclərinin həcmi ötən ilin müvafiq dövründən 139 mln ABŞ dolları və ya 28,9 % çox, əsaslı xərclərin həcmi isə 99 mln ABŞ dolları və ya 12,1 % azdır.
Bildirilib ki, əsaslı xərclərin böyük əksəriyyəti "Şahdəniz-2” layihəsinə aid olub.
Xatırladaq ki, 2019-cu ilin üç rübü ərzində "Şahdəniz” üzrə fəaliyyətlərə 481 mln ABŞ dolları əməliyyat xərcləri və 818 mln ABŞ dollarından artıq əsaslı xərclər çəkilib.
Layihədə BP (operator – 28,8 %), "AzSD" (10 %), "SGC Upstream" (6,7 %), "Petronas" (15,5 %), "LUKoil" (10 %), NICO (10 %) və TPAO (19 %) şirkətləri iştirak edir.
www.anews.az
Oxşar xəbərlər
Oxşar xəbərlər
İqtisadiyyat
14:48
“O‘ztemiryo‘lkonteyner”: Orta Dəhliz üzrə konteyner daşımalarının həcmi 7 minə çata bilər
İqtisadiyyat
14:28
UND rəhbəri: Orta Dəhliz artıq alternativ deyil, qlobal ticarət üçün strateji zərurətdir
İqtisadiyyat
13:25
2027-ci ilin sonunadək Azərbaycanda 250 meqavatlıq külək stansiyası istifadəyə veriləcək
Foto 
Video 
