Sahibkarlar üçün edilən güzəştlər vergi fəlsəfəsinə uyğun olmalıdır - Deputat

 

"Məsələn Qarabağda sahibkar investisiya qoyduğu zaman vergi güzəştləri əldə edir. Amma ondan bir neçə km uzaqda olan sahibkarın vergi öhdəliyi var. Nəticədə eyni məhsulu istehsal edən sahibkarlar arasında rəqabət pozulur. Heab edirəm ki, bu vergi fəlsəfəsinə uyğun olmalıdır. Rəqabətə təşviq edilməlidir. Vergi Məcəlləsində bu məsələyə baxılması yaxşı olar", - deputat noyabrın 29-da Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "Azərbaycan Respublikasının 2025-ci il dövlət büdcəsi haqqında” qanun layihəsinin ikinci oxunuşda müzakirəsi zamanı bildirib. 

 

İqtisadiyyat nazirinin müavini Sahib Ələkbərov deputata cavab olaraq bildirib ki, işğaldan azad olunmuş ərazilərdə olan güzəştlərin məqsədi və müddəti var. 

 

"Burada bizim açar sözümüz ərazidir. Düşünürəm bu daha vacibdir. Məqsədimiz məhsul istehsalında rəqabəti təmin etmək deyil. Məqsəd odur ki, orada daha çox məhsul istehsal olunsun və əhali ora köçsün", - nazir müavini bildirib. 

 

İqtisadiyyat Nazirliyi yanında Dövlət Vergi Xidmətinin rəis müavini Samirə Musayeva da söyləyib ki, Qarabağla güzəştlərlə bağlı Prezident tərəfindən proqram tətbiq olunub və hazırda icra edilən güzəştlər o proqram əsasında olur. 

 

Gülnar Nazimqızı