Seçkilərdə iştirak üçün gələn diplomatın geri qaytarıldığı deyilir

 

Nəşr bildirib ki, Quqqer Azərbaycana Avropada Təhlükəsizlik və Əməkdaşlıq Təşkilatında (ATƏT) seçki müşahidəçisi kimi səfər edib.

 

"Azərbaycanın İsveçrədəki səfiri Fuad İsgəndərov mənimlə əlaqə saxladı və bunun anlaşmazlıq olduğunu açıqladı", - nəşr yazıb. 

Quqqer imkan daxilində yaxın bir neçə gün ərzində yenidən Azərbaycana səfər etmək istədiyini deyir. 

 

 Xarici İşlər Nazirliyi hadisənin baş verməsini təsdiq edib. Hansı şəraitdə baş verməsini ilə bağlı şərh verməyib. 

 

Məsələ ilə bağlı Mərkəzi Seçki Komissiyasının mövqeyini öyrənmək mümkün olmayıb. 

 

Azərbaycanda fevralın 7-də növbədənkənar prezident seçkiləri keçiriləcək. MSK yeddi namizədi - Yeni Azərbaycan Partiyasından hazırkı prezident İlham Əliyevin, Milli Cəbhə Partiyasından Razi Nurullayevin və müstəqil namizəd Zahid Orucun, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülməsi təsdiqlənən Fuad Əliyevin prezidentliyə namizədliyini qeydə alıb. 

 

Prezident seçkiləri ilə bağlı Müsavat Partiyası növbədənkənar prezident seçkilərində iştirak etməmək, Azərbaycan Xalq Cəbhəsi Partiyasi seçkiləri boykot etmək barədə qərar qəbul edib.
 
Azərbaycan Konstitusiyasına  görə, Azərbaycan Prezidenti ümumi, bərabər və birbaşa seçki hüququ əsasında, sərbəst, şəxsi və gizli səsvermə yolu ilə 7 il müddətinə seçilir.