Şəmkir və Bakının iki rayonunun qaz təchizatı müvəqqəti dayandırılacaq

Azəriqaz İB Şəmkir, paytaxtın Sabunçu və Xətai rayon sakinlərinə müraciət edib.

İB-dən bildirilib ki, sentyabrın 21-i saat 09:30-dan payız-qış mövsümünə hazırlıqla əlaqədar "Yeni Binə 3 xətt” ölçü qovşağından Binə qəsəbəsinə gedən qaz kəmərinin kipliyə sınaq olunması, saat 10:00-dan "Zəyəm” ölçü qovşağından qidalanan orta təzyiqli qaz xəttində cari təmir-bərpa işləri və "Keşlə” QPS-dən qidalanan "Şüşə” orta təzyiqli qaz kəməri üzərində quraşdırılmış siyirtmənin əvəz olunması məqsədilə adıçəkilən ölçü qovşaqlarından qaz təchizatı dayandırılacaq.