Səttar Mehbalıyevin səlahiyyət müddəti nə vaxt başa çatır?

12:03 | 30.12.2013
Səttar Mehbalıyevin səlahiyyət müddəti nə vaxt başa çatır?

Səttar Mehbalıyevin səlahiyyət müddəti nə vaxt başa çatır?

Qarabağ döyüşçüsü Zaur Həsənovun intihar etməsinin doğurduğu etirazlarda Həmkarlar İttifaqları Konfederasiyasının sədri Səttar Mehbalıyevin istefası tələbləri səslənir.Zaur Həsənov dekabrın 25-də Həmkarlar İttifaqları Konfederasiyasının binası önündə üstünə benzin tökərək özünü yandırıb. O, 1995-ci ildən bəri Bakıda işlətdiyi kafenin Həmkarlar İttifaqları Konfederasiyasının iddiası ilə çıxarılmış məhkəmə qərarı əsasında sökülməsinə etiraz edib. Zaur Həsənov dekabrın 28-də Bakıdakı 5 saylı xəstəxanada dünyasını dəyişib.“Media forum” saytı bildirir ki, Səttar Mehbalıyevin Həmkarlar İttifaqları Konfederasiyasının sədri postunda səlahiyyət müddəti 2018-ci ilin fevral ayında başa çatır. Həmkarlar İttifaqları Konfederasiyasının qurultayı 5 ildən bir keçirilir. Səttar Mehbalıyev sonuncu dəfə 2013-cü ilin fevralında keçirilən qurultayda sədr seçilib.Səttar Mehbalıyev 1955-ci ildə anadan olub. Azərbaycan Xalq Təsərrüfatı İnstitutunu bitirib. 1973-cü ildən Bakının müxtəlif müəssisələrində əmtəəşünas, mühəndis-iqtisadçı və baş mühasibin müavini vəzifələrində işləyib. 1980-ci ildən həmkarlar ittifaqı sahəsində çalışır. 1993-cü ildən Azərbaycan Həmkarlar İttifaqları Konfederasiyasının sədridir.2000, 2005 və 2010-cu illərdə Milli Məclisin deputatı seçilib.“Şöhrət” ordeni ilə təltif olunub.Evlidir, üç övladı var.ANN.Az

0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb