Simonyan Kurskda yaşayan uşaqlardan danışıb, Ukraynada öldürülənlərin sayı isə minlərlədir
08.08.2024 13:13
Rusiyanın Ukraynaya qarşı müharibəsinə açıq rəğbətini bildirən, Putin hakimiyyətinin açıq təbliğatçısı kimi özünü qələmə verən Marqarita Simonyan Ukrayna Silahlı Qüvvələrinin Kursk vilayətinə daxil olmasından sonra bu vilayətin sakinləri üçün "dua etməkdən" başqa bir lacın olmadığını deyib.
www.anews.az
"Burada başqa nə demək olar, bilmirəm. Kurskda yaşayanlar sizin üçün, ordumuzun gücü üçün, səhər oyanmağımız üçün dua etməkdən başqa çarəmiz yoxdur.Səhərimizi sağ salamat qarşılamağımız üçün dua edək", - Simonyan bildirib.
"Uşaqlara və təcili yardım maşınlarına atəş açan qeyri-insanlarla Tanrı bizim dualarımız olmadan da məşğul olacaq”, - Simonyan Teleqram kanalında yazıb.
2022-ci il fevralın 24-də, Moskva vaxtı ilə səhər saat 6-da, Rusiya silahlı qüvvələri bütün Ukrayna ərazisində hərbi infrastruktur obyektlərinə raket zərbələri endirməyə başlayıb.
Rusiyanın Ukraynaya genişmiqyaslı müdaxiləsi başlayandan bəri 547 ukraynalı uşaq öldürülüb, 1348-dən çox uşaq isə yaralanıb. Bu barədə ölkənin Baş Prokurorluğu bildirib.
Hazırda Ukraynada iki mindən çox uşaq rəsmi olaraq itkin düşmüş hesab edilir. Əsasən bunlar işğal olunan ərazilərdə qalan yetimlər və valideyn himayəsindən məhrum olan uşaqlardır.
Rusiyanın Ukraynaya qarşı iki illik müharibəsi zamanı Rusiya Federasiyası tərəfindən işğal olunan ərazilərdən deportasiya edilən ukraynalı uşaqların dəqiq sayı hələ də məlum deyil. Ukrayna hakimiyyətinin məlumatına görə, söhbət təxminən 19,5 min uşaqdan gedir.
BMT-nin məlumatına görə, 2022-ci il fevralın 24-dən bəri Ukraynada azı 10 582 mülki şəxs həlak olub, 19 875 nəfər isə yaralanıb.
"Münaqişə başlayandan indiyədək 5017 kişi, 3093 qadın həlak olub, daha 1885 qurbanın meyiti tanınmaz hala salındığı üçün cinsiyyəti müəyyən etmək mümkün olmayıb. Onların arasında ən azı 587 uşaq olub", - BMT bildirib.
N.Təbrizli
www.anews.az
Foto 
Video 
