Skolioz xəstələri hərbi xidmətə aparılır?

Səfərbərlik və Hərbi Xidmətə Çağırış üzrə Dövlət Xidmətindən skolioz xəstələrinin hərbi xidmətə yararlığı ilə bağlı açıqlama verilib. Xidmətdən ANS PRESS-ə verilən məlumata görə, onurğanın əyrilikləri (I-ci mərhələ skolioz) Azərbaycan Respublikası Nazirlər Kabinetinin 29.02.2008-ci il tarilxi 59 nömrəli qərarı ilə təsdiq edilmiş "Hərbi-həkim ekspertizası haqqında Əsasnamə"nin "Xəstəliklər cədvəli"nin I qrafasının 66 "ç" maddəsinə aiddir və "Hərbi xidmətə yararlıdır A-3" qərarına uyğundur: “Həmin şəxslər qeydiyyatda olduqları Səfərbərlik və Hərbi Xidmətə Çağırış üzrə Dövlət Xidmətinin rayon idarəsinin (şöbəsinin, bölməsinin) hərbi-həkim komissiyasında təkrar tibbi baxışdan keçiriləcəklər. Ehtiyac olduğu halda dövlət səhiyyə müəssisəsində müayinəniz təmin olunacaq və hərbi xidmətə yararlı olub-olmamağınız haqda rayon çağırış komissiyası tərəfindən qərar qəbul olunacaqlar. Çağırışçıların təyin olunduqları hərbi hissə haqqında məlumatı şəxsi məlumatlarını daxil etməklə, 31 dekabr, 31 mart, 30 iyun və 30 sentyabr tarixindən etibarən Səfərbərlik və Hərbi Xidmətə Çağırış üzrə Dövlət Xidmətinin saytının "elektron xidmətlər" bölməsinin müvafiq bölümündən əldə edə bilərlər”.Xidmətdən sıradankənar hərbi xidmət məsələsinə də aydınlıq gətiriblər: “Sıradankənar hərbi xidmətə yararlı və (və ya) müəyyən qoşun növündə hərbi xidmətə yararsız sayılmış hərbi qulluqçularhəmin qoşun növündə arxa xidmət mütəxəssislərinin xidmət heyəti vəzifələrinə, inzibati-təsərrüfat və digər vəzifəlilərə təyin edilirlər”.ANN.Az