Slovakiyanın baş naziri Ukraynanı qazla hədələyib
09.01.2025 21:37
Slovakiyanın baş naziri Robert Fiko Kiyevin qazla bağlı qərarına görə Ukraynanı humanitar yardımı, o cümlədən artıq təsdiqlənmiş yardımı dayandırmaqla hədələyib. Bu barədə Tvnoviny.sk portalı məlumat yayıb.
"Biz bütün humanitar yardımı dayandıra bilərik, o cümlədən hökumətin yaxınlarda təsdiqlədiyi yardımlar”, - deyə siyasətçi bildirib.
Slovakiyanın digər mümkün tədbirləri arasında Slovakiyadakı ukraynalı qaçqınlar üçün güzəştlərin ləğvi və fövqəladə vəziyyətlərdə elektrik enerjisi təchizatının kəsilməsi daxildir.
Fiko daha əvvəl bildirib ki, Ukrayna lideri Vladimir Zelenskinin Ukrayna ərazisindən qaz tranzitinin dayandırılması ilə bağlı birtərəfli qərarı maliyyə baxımından Slovakiya və Avropa İttifaqına ciddi ziyan vurur və ABŞ-a əhəmiyyətli dərəcədə kömək edir.
Slovakiyanın baş naziri Kiyevin qaz tranzitini dayandırması ilə bağlı Belçikada aparılan danışıqlarda Avropa Komissiyasını "şirin yuxusundan” oyatmaq üçün hər şeyi edəcəyinə söz verib.O, vurğulayıb ki, Kiyevin qərarına görə on milyardlarla avro dəyərində qiymətləndirilən "ciddi problem” yaranıb.
Aytac
www.anews.az
Oxşar xəbərlər
Oxşar xəbərlər
Foto 
Video 
