Xobi bələdiyyəGürcüstanın şimal-qərbi) yerli hakimiyyət orqanları Kulevi limanında Azərbaycan Dövlət Neft Şirkətinin (SOCAR) neft yükləmə terminalının yaxınlığında yerləşəcək Gürcüstanın ilk neft emalı zavodunun tikintisinin müfəssəl planını təsdiqləyib. Bu barədə Xobi Şurasının qətnaməsində bildirilib.
Neft emalı zavodunun tikintisini Gürcüstanın "Black Sea Petrolium” şirkəti həyata keçirəcək;də bildirilib
Birinci mərhələdə layihədə nəzərdə tutulan neft emalı zavodunun gücü ildə 1,121 milyon ton olacaq, bunun üçün 89 min kubmetr tutumu olan çən parkı təşkil olunacaq. Neft emalı prosesi nəticəsində zavod yüngül orta distillə fraksiyasını, geniş qazoylu fraksiyasını və mazut fraksiyasını (qalıq dəniz yanacağı) istehsal edəcək.
Gələcəkdə şirkət neft emalı zavodunun gücünü ildə 2,92 milyon tona, çənlərin ümumi həcmini isə 440,2 min kubmetrə çatdırmağı planlaşdırır. Zavodun infrastrukturunun tikintisi və təşkili 3-4 il çəkəcək, növbəti mərhələlərdə ikinci dəmir yolu keçidinin, çənlərin və digər sənaye obyektlərinin tikintisi planlaşdırılır.
Xobi bələdiyyəsi "12 illik gözləmədən sonra” neft emalı zavodunun tikintisinin müfəssəl planını təsdiqləyib.
N.Təbrizli
www.anews.az
Bizi sosial şəbəkələrdə izləyin !
