"SOCAR Petroleum” QSC (SOCAR-ın törəmə müəssisəsi, Azərbaycan Respublikası Dövlət Neft Şirkəti) İsmayıllı rayonunda yanacaqdoldurma məntəqəsini (YDM) istifadəyə verib.Bu barədə SOCAR məlumat yayıb.
"İsmayıllı şəhəri, Nizami küçəsi 34 ünvanında yeni yanacaqdoldurma məntəqəsi istifadəyə verilib. Yeni yanacaqdoldurma məntəqəsində 27 iş yeri yaradılıb. Stansiyada yüksək keyfiyyətli benzin, Aİ-92 və dizel yanacağı ilə yanacaq doldurmaq üçün beş yanacaq paylayıcısı var", - SOCAR-dan bildirilib.
Belə ki, hazırda Azərbaycan ərazisində SOCAR brendi ilə fəaliyyət göstərən 53 yanacaqdoldurma məntəqəsi var.
SOCAR Petroleum 2008-ci ilin yanvarında yaradılıb və neft məhsullarının pərakəndə satışı ilə məşğul olur, SOCAR brendi altında yanacaqdoldurma məntəqələri şəbəkəsini genişləndirir. Şirkət Azərbaycanda ilk yanacaqdoldurma məntəqələrini 2010-cu ilin mayında açıb.
Şirkətin yanacaqdoldurma məntəqələrində 6 növ yanacaq satılıb. Bura Avro-4, Aİ-92 (Avro-2), Aİ-98 Super (Avro-5) ekoloji standartlarına cavab verən Aİ-95 Premium benzin, həmçinin mayeləşdirilmiş qaz (LPG) ) və dizel yanacağı daxildir. Şirkətin Azərbaycanda 11 neft bazası da var.
N.Təbrizli
www.anews.az
Bizi sosial şəbəkələrdə izləyin !
