"Son 3 ildə Socar tərəfindən Rumıniyaya 800 milyon ABŞ dolları dəyərində 1,2 milyon ton neft tədarük edilib. "SOCAR Türkiyə" Rumıniyaya 1,1 milyard ABŞ dolları dəyərində 1,1 milyon ton neft məhsulları, 33 min ton kimya məhsulları, "SOCAR Trading" isə Rumıniyaya 600 milyon ABŞ dolları dəyərində təxminən 700 min ton neft məhsulları ixrac edib. Biz Rumıniyaya qaz tədarükünü də nəzərdə tuturuq. Layihəni bu il və gələn il etməyi planlaşdırırıq. Rumıniya qanunvericiliyinə görə, biz bunu Luksenqburqdan keçirməklə icra etməliyik. Orada olan ticarət evimizin lisenziya ilə bağlı məsələsi müzakirə olunur",- Nəsirov Bakıda Ticarət-iqtisadi əlaqələr və elmi-texniki əməkdaşlıq üzrə Azərbaycan-Rumıniya hökumətlərarası Müştərək Komissiyanın 8-ci iclasında bildirib.
Nəsirov vurğulayıb ki, hazırda Ruminuyada SOCAR-ın 74 yanacaqdoldurma məntəqəsi fəaliyyət göstərir.
Onun sözlərinə görə, Azərbaycan Dövlət Neft Şirkəti (SOCAR) Rumıniya ilə imzaladığı qaz ixracı müqaviləsini daha iki il uzada bilər, lakin hər şey Rumıniya tərəfinin istəyindən asılı olacaq.
Nəsirov bildirib ki, dünən iki ölkə arasında imzalanmış qaz müqaviləsinin sonuncu günü olub və ona əsasən, SOCAR Rumıniyaya ildə 1 milyard kubmetrədək ixrac edirdi. O, ixracın 2024 və 2025-ci illərdə də davam etdirmək imkanına malikdir.
Gülnar Nazimqızı
www.anews.az
Bizi sosial şəbəkələrdə izləyin !
