SOFAZ ehtiyatları sabit qalacaq
30.07.2024 21:43
Neftin orta qiyməti 85 dollar/barel olarsa, Azərbaycan Dövlət Neft Fondunun (SOFAZ) aktivləri 2024-cü ilin sonuna 58 milyard dollar təşkil edəcək. Bunu ölkənin Maliyyə Nazirliyi proqnozlaşdırıb.
Eyni zamanda, 2024-cü il iyunun sonunda ARDNF-nin aktivləri də 58 milyard ABŞ dolları həcmində qiymətləndirilir.
Maliyyə Nazirliyinin materiallarına əsasən, neftin müxtəlif qiymətlərində SOFAZ--nin aktivlərində dəyişikliklər üçün bir neçə ssenari hazırlanıb.
Beləliklə, baza halda - neftin orta qiyməti 75 dollar/barel olmaqla - ARDNF-nin aktivləri (planlaşdırılmış xərclərin 100% maliyyələşdirilməsi nəzərə alınmaqla) 2025-ci ilə qədər 57,6 milyard dollar təşkil edəcək.
Neftin orta qiyməti 80 dollar/barel olduqda, 2024-cü ilin sonuna ARDNF-nin aktivləri 57,8 milyard dollar, neftin orta qiyməti 70 dollar/barel olduqda 57,4 milyard dollar, neftin orta qiyməti 65 dollar/barel olduqda isə 57,1milyard dollar təşkil edəcək.
"Beləliklə, neftin qiymətinin orta hesabla 10 dollar/barel artması/azalması Dövlət Neft Fondunun aktivlərinin orta hesabla 400 milyon dollar artması/azalmasına səbəb olur”, - deyə Maliyyə Nazirliyi qeyd edib.
Azərbaycan Neft Fonduna neft və qaz müqavilələrinin icrasından, xüsusən gəlirli dövlət neftinin və qazının satışından, neft və qazın ölkə ərazisindən nəqlinə tranzit tariflərindən, dövlət əmlakının icarəyə verilməsindən və s. gəlirlər toplanır.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
