2022- ci ildə 58 reportyor vəzifə borcunu yerinə yetirərkən ölüb

2022- ci ildə dünyada 58 reportyor vəzifə borcunu yerinə yetirərkən ölüb. Bunu Sərhədsiz Reportyorlar Təşkilatının (RSF) 2022 ci ildə Parisdə təqdim etdiyi hesabatda deyilib.

 

Sənədə əsasən, 2003-2022-ci illər arasında hər il orta hesabla 80 media işçisi iş yerində ölüb.

Jurnalistlər üçün ən ölümcül il 144 müxbirin öldürüldüyü 2012-ci il olub. 

 

2013-cü ildə 142 jurnalist zorakılığın qurbanı olub.

 

Jurnalistika üçün ən faciəli illərdən sonra, əsasən Suriyadakı müharibə nəticəsində, 2021-ci ilə qədər media işçiləri arasında qurbanların illik sayı 51-ə düşüb. 

Jurnalistlər arasında ölüm hallarının 80 faizi 15 ölkədə, xüsusilə də 2003-cü ildən bəri ümumilikdə 578 media işçisinin öldüyü İraq və Suriyada baş verib. Üçüncü yerdə Meksika (125), ardınca Filippin (107), Pakistan (93), Əfqanıstan (81) və Somali (78) qərarlaşıb.

Rusiya 25 müxbirinin vəzifə borcunu yerinə yetirərkən həlak olduğu Avropada jurnalistlər üçün ən təhlükəli ölkə olaraq qalır. İkinci yerdə Ukraynadır (20 ölü, onlardan səkkizi Rusiyanın bu ölkəyə silahlı hücumu zamanı ölüb)

 

2021-ci ildə dünyanın müxtəlif ölkələrində 45 jurnalist və media işçisi peşə borcunu yerinə yetirərkən baş vermiş insidentlər nəticəsində qətlə yetirilib.

 

Beynəlxalq Jurnalistlər Federasiyasının (İJF) yaydığı hesabatda qeyd edilir ki, həlak olan jurnalistlərdən 33-ü birbaşa hücum zamanı qətlə yetirilib. O cümlədən, Asiya-Sakit Okean zonasında 20, Qərb yarımkürəsində 10, Afrikada 8, Avropada 6 jurnalist öldürülüb.

 

Aytac