Sosial şəbəkələrlə bağlı dinləmələr keçirməyə gecikirik - DEPUTAT

15:57 | 25.01.2023
Azərbaycanda sosial şəbəkələrin tənzimlənməsi ilə bağlı ictimai dinləmələrin keçirilməsi mütləqdir. Bunu Milli Məclisin İnsan Hüquqları Komitəsinin üzvü elşad Mirbəşir bu gün keçirilən komitə iclasında deyib.

"Biz bu dinləmələri keçirmək üçün gecikirik. Cəmiyətin məsələyə münasibətləri olmalıdır ki, qanun müzakirəyə çıxarılanda qınaq olmasın. Bəzi təbəqələr var ki, söyüşə və tənqidlərə maraq göstərirlər. Bununla bağlı qanun olmalıdır. Bu çox vacibdir” – deputat bildirib. 


2022-ci il Parlamentin plenar iclasında deputat Elşad Mirbəşir çıxışında Azərbaycanda azyaşlıların tik-toka girişi ilə bağlı qadağaların tətbiq olunmasını təklif edib. O bildirib ki, hazırkı araşdırmalara görə 16-24 yaş arasında tiktok istifadəçilərin sayı 60 faizdir və onlar da ölkənin əxlaqi dəyərlərini zidd addımlar atır. 

Sosial media istifadəçilərinin 43,6%-i "YouTube”, "35,8%-i "İnstagram”, 26,5%-i "Facebook”, 25,0%-i "TikTok”, 6,4%-i isə "Twitter” platformalarından istifadə edir.

Nəticələrin gender aspektdən təhlili göstərir ki, kişilər sosial mediadan qadınlardan daha çox istifadə edirlər. "Facebook” istifadəçilərinin 30,1%-i qadın olduğu halda, 69,9%-i kişidir. Bu tendensiya digər sosial media platformaları üçün də xarakterikdir. Yalnız "İnstagram” istifadəçiləri arasında qadınlar kişilərə nisbətdə üstünlük təşkil edir (37,6%-i qadın, 34,0%-i kişi).

Sorğu çərçivəsində respondentlərin orta hesabla günün neçə saatını sosial mediada keçirmələri də öyrənilib. Bu istiqamətdə ünvanlanan suala cavab olaraq, respondentlərin 42,5%-i 1 saata qədər, 38,9%-i 1-3 saat, 9,6%-i 3-5 saat, 8,6%-i gün ərzində 5 saatdan çox vaxt keçirdiklərini bildirib.

Gülnar Nazimqızı 

www.anews.az
0
Bizi sosial şəbəkələrdə izləyin !

REKLAM