“Traktor” ilk dəfə İran çempionu olub

Təbrizin “Traktor” komandası 2024/25 mövsümü İran Pro Liqasının qalibi olub.Komanda ilk dəfə İranın ən yüksək divizionunda çempionluğunu rəsmiləşdirib.

Sona 2 tur qalmış Təbriz təmsilçisi ən yaxın izləyicisi "Sepahan"ı 8 xal qabaqlayıb (64/56). Bu, "Traktor"un 28-ci turda səfərdə Qəzvinin "Şəms Azar" klubunu 0:4 hesabı ilə məğlub etməsi, "Sepahan"ın isə ev matçında "Qol Qohar"a məğlubiyyəti (1:2) sayəsində mümkün olub.