Makron Fransadakı iğtişaşları pisləyib

Fransa prezidenti Emmanuel Makron PSJ-nin Çempionlar Liqasındakı qələbəsindən sonra baş verən iğtişaşları pisləyib.

Paris Sen-Jermen finalda "İnter"i böyük hesabla (5:0) məğlub edərək tarixdə ilk dəfə Çempionlar Liqasının qalibi olub.

“Son saatlarda baş verənlərə heç nə haqq qazandıra bilməz. Şiddətli toqquşmalar qəbuledilməzdir. Bu hadisələr çox ciddidir, qəbuledilməzdir", - Makron bildirib. 

Parisdə və digər şəhərlərdə kütləvi iğtişaşlar baş verib.

Fransada 192 nəfər yaralanıb, ölkə üzrə 559 nəfər həbs edilib, 692 yanğın baş verib, 264 avtomobilə ziyan dəyib. 

İğtişaşlar sonrası ölənlər də olub.

Aytac