Samsung neytral statusda çıxış edən rusiyalı idmançılara telefon verməyib

2026-cı ildə İtaliyada keçirilən Qış Olimpiya Oyunlarında neytral statusda çıxış edən rusiyalı idmançılar ənənəvi hədiyyə smartfonları almayıblar.

Adətən Olimpiya kəndində məskunlaşma zamanı idmançılara Oyunların loqosu ilə xüsusi dizaynda telefonlar təqdim olunur. Bu cihazları Samsung Electronics şirkəti təmin edir və şirkət Beynəlxalq Olimpiya Komitəsinin sponsorudur.

Şirkətin saytında qeyd olunurdu ki, Olimpiya və Paralimpiya iştirakçılarından təxminən 3,8 min nəfər xüsusi oyma ilə hazırlanmış telefon alacaq.

Rusiyalı ski-alpinist Nikita Filippov sosial şəbəkədə yazıb ki, neytral idmançılara telefon verilməyib və yalnız gigiyena vasitələri təqdim olunub.

2024-cü il Yay Olimpiya Oyunlarında da rusiyalı idmançılar telefon almamışdılar.

N.Təbrizli