Azərbaycanda, Türkiyədə və eləcə də dünyanın bir-çox ölkəsində fəaliyyət göstərən "Sputnik" xəbər agentliyinin baş redaktor, erməni əsilli Marqarita Simonyan növbəti dəfə milliyətçi paylaşım edib.
Simonyanla birgə mahnı oxuyanların arasında onun həyat yoldaşı erməni əsilli kinorejisor və aktyor Tiqran Keosayan da olub.
Simonyanın paylaşımının altından rəy yazaraq onlara dəstək verənlərdən biri də Moskvada yaşayan erməni milyarder, "Taşir" şirkətinin prezidenti Samvel Karapetyanın arvadı Eteri Karapetyan olub.
Marqarita Simonyan və erməni diasporası üzvlərinin oxuduqları mahnının sözlərini XIX əsrin sonlarında Osmanlıya qarşı üsyan qaldıran, "Arabo" ləqəbli terrorçu - Arakel Mxitaryanın yazdığı "Oyan, Lao" şeirindən götürülüb.
Məlumat üçün qeyd edək ki, körpə erməni uşağına xitabən yazılan "Oyan, Lao" artıq erməni millətçilərinin himninə çevrilib. Bütün dünyada Türkiyəyə qarşı mübarizə aparan erməni millətçilər bu mahnıdan himn kimi istifadə edirlər.
Simonyan, Tiqran Keosayan və digər ermənilərin oxuduqları mahının sözlərində belə ifadələr yer alıb: "Ordu toplayıb Muş vadisini mühasirəyə aldılar. Sultan bizi məhv etmək istəyir. Xahiş edirəm, oyan, Lao".
Onu da bildirək ki, mahının müəllifi olan "Arabo" uzun illər Osmanlıya qarşı döyüşən terrorçu olub. Tiflisdə "Daşnaksütun" təşkilatının qurucularından olub. Ermənilər "Arabo"nu özlərinin milli qəhrəmanına çeviriblər. Hətta Qarabağ müharibəsi zamanı xaricdən gələn erməni terorçulardan ibarət qrupa da "Arabo"nun adını qoyublar.
Marqarita Simonyanın paylaşdığı şəkilə rəy yazanlar bildiriblər ki, bu şəkil Dağlıq Qarabağda Mardakert (Ağdərə) rayonunda çəkilib. "Sputnik"in baş redaktor bu şəkili paylaşmaqla həm də azərbaycanlıların 1990-cı ildə Dağlıq Qarabağa hücum etdiklərinə işarə vurur
www.anews.az
Bizi sosial şəbəkələrdə izləyin !