"Hərəkət səhər saatlarında yenidən bərpa olunacaq”

Bakının mərkəzi küçələrindən birində nəqliyyatın hərəkəti məhdudlaşdırılacaq.

Nəqliyyat Nazirliyinin “Azəryolservis” ASC-nin mətbuat katibi Pünhan Mürsəliyev açıqlamasında bu gün gecə saatlarından etibarən Əliyar Əliyev küçəsində nəqliyyat vasitələrinin hərəkəti məhdudlaşdırılacağını deyib. 

Onun sözlərinə görə səhər saatlarından etibarən nəqliyyat vasitələrinin həmin küçədə hərəkətinə icazə veriləcək: 

“Həmin küçədə yol cizgiləri xətləri pozulub. Bu gün gecə saat 22:00-dan etibarən, Əliyar Əliyev küçəsində nəqliyyat vasitələrinin hərəkəti yavaş-yavaş məhdudlaşdırılacaq.Yol cizgiləri xəttləri yenidən rənqlənəcək. Hərəkət səhər saatlarında yenidən bərpa olunacaq”.(ANS)