ÜST pandemiya sazişini daha bir il uzadıb

19:21 | 03.06.2024
ÜST pandemiya sazişini daha bir il uzadıb

ÜST pandemiya sazişini daha bir il uzadıb

Ümumdünya Səhiyyə Təşkilatına (ÜST) üzv dövlətlər pandemiya sazişi ilə bağlı danışıqları daha bir il uzatmaq barədə razılığa gəliblər. Bu, gələcək pandemiyalarla mübarizəni gücləndirməyə imkan verir.

Sazişin layihəsini hazırlamaq və danışıqlar prosesinə rəhbərlik etmək üçün 2021-ci ilin dekabrında yaradılmış Hökumətlərarası Danışıqlar Orqanı (HDO) mandatını davam etdirəcək.

ÜST-nin Baş direktoru Tedros Adhanom Ghebreyesus bildirib ki, düzəlişlər ölkələrin öz milli imkanlarını, xəstəliklərə nəzarət, məlumat mübadiləsi və cavab tədbirləri üzrə üzv dövlətlər arasında koordinasiyanı gücləndirməklə gələcək epidemiyaları, o cümlədən pandemiyaları aşkar etmək, onlara cavab vermək qabiliyyətini möhkəmləndirəcək.

"HDO-nun fəaliyyətinin davam etdirilməsi Pandemiya Sazişini tamamlamaq üçün güclü təkan verir ki, bu da COVID-19-un sağlamlığa, cəmiyyətlərə və iqtisadiyyatlara vurduğu dağıntıların təkrarlanmasının qarşısını almağa kömək edə bilər”, – deyə ÜST rəhbəri əlavə edib.

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb