Paris merinin müraciəti radikal qüvvələrin maraqlarına xidmət edir - Səfir

14:21 | 17.11.2023
Paris merinin müraciəti radikal qüvvələrin maraqlarına xidmət edir - Səfir

Paris merinin müraciəti radikal qüvvələrin maraqlarına xidmət edir - Səfir

Pari meri Ann Hidalqonun müraciəti yanlış məlumatlara əsaslanır və radikal qüvvələrin maraqlarına xidmət edir.Bunu Azərbaycanın Fransadakı səfiri Leyla Abdullayeva deyib.

"Alovu qızışdırmağa ehtiyac yoxdur, sülhün yolu həqiqətdən keçir. "Paris meri xanım Ann Hidalqo bu yaxınlarda "Azərbaycandakı erməni məhbusları” azad etməyə çağırıb. Səfir və Azərbaycan vətəndaşı kimi mən özümü Paris merinin bu müraciətinə münasibət bildirməyi özümə borc bilirəm, çünki o, yanlış məlumatlara əsaslanır və bu mifləri saxlayan marjinal və radikal qüvvələrin maraqlarına xidmət edir. Sülhə nail olmaq heç də asan iş deyil, çünki sülh həqiqəti söyləməyi tələb edir. Tarix bizə öyrədir ki, dayanıqlı sülh yalanlara son qoymaq deməkdir. Həqiqəti söyləmək üçün isə ilk növbədə başqalarını düşmən kimi təqdim etməmək lazımdır”, - "X" sosial şəbəkə hesaında Paris meri Ann İdalqoya cavab verdiyi açıq məktubda vurğulayıb.
 
Oktyabrın 22-də Qərbi Azərbaycan İcması Fransanın yaxın zamanda Ermənistana silah satması ilə bağlı sazişin imzalanmasının narahatlıq doğurduğunu və Azərbaycana qarşı düşmənçilik olduğunu bildirib.
 
Oktyabrın 11-də  Fransanın xarici işlər naziri Ketrin Kolonna Senatda çıxışı zamanıAzərbaycan 100 mindən çox ermənilərin Qarabağdan çıxmasını planlaşdırıdığını iddia edib. 
 
Oktyabrın 3-də Fransanın xarici işlər naziri Ketrin Kolonna erməni həmkarı Ararat Mirzoyanla keçirdiyi mətbuat konfransında Paris gələcəkdə İrəvanla Ermənistana hərbi texnikanın verilməsini mümkün edəcək saziş bağlamağa razılaşdığını bildirib.

Sentyabrın 17-də Fransanın paytaxtı Paris şəhərinin 15-ci rayonunda keçirilən "Assosiasiyalar Forumu”nda Azərbaycan stendinin qarşısında merin erməniəsilli köməkçisi təxribat törədib. Paris merinin assosiasiyalar üzrə köməkçisi, erməniəsilli Anouch Toranian bir nəfər fransalı həmkarının müşayiəti ilə Azərbaycanın stendinin qarşısında dava salıb və stendi dağıtmağa çalışıb.
 
Sentyabrın 29-da Ermənistan mətbuatı Fransa hökumətinin Ermənistana 5 ton "humanitar yardım" göndərdiyini və bu yardımın Qarabağdan Ermənistana qayıdan şəxslərə veriləcəyini açıqlayıb.

Fransa bundan əvvəl də Azərbaycanın icazəsi olmadan Qarabağda yaşayan ermənilərə Laçın dəhlizi vasitəsilə yardım göndərməyə cəhd edib. 

İyunun 15-də  "Sputnik Armenia" Fransanın Ermənistana 50 ədəd "VAB MK 3" model zirehli transportyor verəcəyi məlumatın verib.

Aygün Mirakif


www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb