Aprel ayında Azərbaycan Dövlət Gənc Tamaşaçılar Teatrında xalq artisti Tariyel Qasımovun 75 illik yubileyi münasibətilə təntənəli tədbir keçiriləcək. Teatrdan APA-ya verilən xəbərə görə, yubiley tədbirində xalq artistinin keçdiyi həyat yolu haqqında məlumat veriləcək, səhnədə yaratdığı obrazlar haqqında söhbət açılacaq. T. Qasımov 1939-cu ildə Ağstafa rayonunun Köçəsgər kəndində anadan olan olub. 1964-cü ildən Azərbaycan Dövlət Gənc Tamaşaçılar Teatrının aktyorudur. Gənc Tamaşaçılar Teatrı ilə yanaşı, İrəvan Azərbaycan Dövlət Dram Teatrı, Qazax, Dərbənd və Ağdam Dövlət Dram Teatrında da tamaşalara səhnə həlli verib. 1979-cu ildən Azərbaycanın əməkdar, 1991-ci ildən xalq artistidir.    ANN.Az