İranın paytaxtı Tehranda havanın çirkliliyi xroniki problemlərdən birinə çevrilib.
Şəhərin müxtəlif nöqtələrinə təcili tibbi yardım avtomobilləri yerləşdirilib. İctiami məkanlarda maska ilə gəzməyə məcbur olan vətəndaşlar çirkli havanın müxtəlif tənəffüs yolları xəstəliklərinə səbəb olduğunu və gözlərinin yandığını bildirir.
Tehran Şəhər Bələdiyyəsi paytaxtın illərdir həllini tapa bilməyən hava çirkliliyi ilə mübarizə apara bilmək üçün velosipeddən istifadəyə təşviq, tək və cüt dövlət nömrə nişanlı avtomobillərin növbəli hərəkəti, yeni metro xətlərinin istifadəyə verilməsi, köhnə avətomobillərin istifadəsinə qadağa, fabriklərin şəhərdən kənara çıxarılması kimi bir çox layihələr həyata keçirməyə çalışsa da, şəhərin hava dövriyyəsinə uyğun olmayan coğrafiyası və əhalinin sıxlığı hər il qış aylarında eyni problemlərin ortaya çıxmasına səbəb olur.
Qeyd edək ki, Tehran dünya miqyasında hava çirkliliyi siyahısında ilk 12 şəhər arasındadır.
www.anews.az
Bizi sosial şəbəkələrdə izləyin !