Təhsillə bağlı qanunların icrası aşağı səviyyədədir - Millət vəkili

 

"Bu barədə daha əvvəllərdə demişəm. Qaydalar, normativlər əvəzinə qanunlarla işləmək lazımdır. Elm və Təhsil Nazirliyi təhsil sahəsində olan qanunların icrasına maraqlı olmalıdır. Qanunların icrası çox aşağı səviyyədədir", - deputat  mayın 24-də Milli Məclisin Elm və Təhsil komitəsinin iclasında "Təhsil haqqında” qanunun müzakirəsində çıxışında deyib.

 

Etibar Əliyev həmçinin 2022-ci il məktəbləri qırmızı atestatla bitirən bir qisim şagirdlərin imtahan nəticələrinin 0-200 bal arasında olduğunu deyib.

 

"Gəncədə atestat qiymətləri əla olan şagirdlərin 16%-i 0-200 bal toplayıb. 500-dən çox nəticə göstərənlər isə 26% olub. Gədəbəydə 15,34%, Goranboyda 23,5%, İmişlidə 18%, Qazaxda 12%, Lerikdə 29%, Lənkəranda 9%, Salyanda 13%. Sumqayıtda isə bu göstərici 5,6%-dir", - millət vəkili qeyd edib. 

 

O, söyləyib ki, bir neçə istedlının xaricdə təhsil alması və olimpiyadalarda yer alması ümumi təhsilin uğuru kimi yazmaq doğru deyil.

 

Gülnar Nazimqızı