Ötən il “Cənub Qaz Dəhlizi”nin şəxsi kapitalının miqdarı açıqlanıb
01.02.2024 12:44
2023-cü ilin sonuna "Cənub Qaz Dəhlizi” (SGC) QSC-nin şəxsi kapitalı 2,4 milyard dollar olub. Bu barədə "Fitch Ratings” beynəlxalq reytinq agentliyi xəbər verib.
Nizamnamə kapitalına təşkilata məxsus olan bütün əmlak, o cümlədən nizamnamə, əlavə və ehtiyat kapitalı, bölüşdürülməmiş mənfəət daxildir.
Ötən ilin sonuna SGC-nin maliyyələşməsi dövlət tərəfindən ödənən borcu 6,4 milyard dollar olub.
"SGC 2020-2023-cü illərdə yeni borc götürməyib, ancaq ötən ilin sonuna onun ümumi borc ehtiyatının təxminən 72 %-i Dövlət Neft Fondunun buraxdığı istiqrazlar və avrobondlar, 28 %-i isə beynəlxalq maliyyə institutlarının kreditləri və onlar tərəfindən dəstəklənən kreditlər təşkil edib”, - "Fitch” bildirib.
Cari ildə "Cənub Qaz Dəhlizi” (SGC) QSC ümumi nağd pula olan ehtiyaclarını "Şahdəniz”, "Cənubi Qafqaz Boru Kəməri”, Trans-Anadolu Qaz Boru Kəməri (TANAP) və Trans-Adriatik Boru Kəməri (TAP) layihələrindən əldə olunan vəsaitlər və yığılmış pul vəsaitləri hesabına təmin edəcəyi proqnozlaşdırır. Buna səbəb onun bütün layihələrinin istismara verilməsidir.
SGC Prezidentin "Şahdəniz" qaz-kondensat yatağının istismarının II mərhələsi və Cənub Qaz Dəhlizinin yaradılmasına dair digər layihələrlə bağlı bəzi tədbirlər haqqında” 25 fevral 2014-cü il tarixli sərəncamı ilə, "Şahdəniz” qaz-kondensat yatağının tammiqyaslı istismarı, Cənubi Qafqaz Boru Kəmərinin (CQBK) genişləndirilməsi, TANAP və TAP layihələrində dövlətin iştirak paylarının birləşdirilməsi, idarə edilməsi və maliyyələşdirilməsi məqsədi ilə yaradılıb.
SGC nizamnamə kapitalı 2 milyard 415,8 milyon dollardır. Şirkətin səhmlərinin 51 %-i İqtisadiyyat Nazirliyinə, 49 %-i isə Azərbycan Dövlət Neft Şirkətinə (SOCAR) məxsusdur.
Aygün
www.anews.az 
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
