Ötən il icbari tibbi sığortadan yararlanan şəxslərin sayı açıqlanıb

16:51 | 06.02.2024
Ötən il icbari tibbi sığortadan yararlanan şəxslərin sayı açıqlanıb

Ötən il icbari tibbi sığortadan yararlanan şəxslərin sayı açıqlanıb

2023-cü ildə Azərbaycan əhalinin 52%-i icbari tibbi sığortadan yararlanıb. Bu barədə İcbari Tibbi Sığorta üzrə Dövlət Agentliyi məlumat yayıb.

Bildirilib ki, 2023-cü ildə icbari tibbi sığorta göstəricilərinə görə, dövlət tibb müəssisələrinə 5 milyondan çox şəxs 22.3 milyon dəfə müraciət edib. Dövlət tibb müəssisələrinin əhaliyə göstərdiyi xidmət sayı 70.2 milyon olub.
 
Məlumata görə, tibbi xidmətlərin 86 %-i ambulator, 14 %-i stasionar şəraitdə göstərilib.
 
Həmçinin ötən il vətəndaşlara 300 137 göndəriş verilib.
 
2023-cü ildə ən çox xidmət göstərmiş tibb müəssisələrinin ilk beşliyinə Bakı Baş Səhiyyə Mərkəzinin tabeliyindəki tibb müəssisələri, Sumqayıt Tibb Mərkəzi, Gəncə Şəhər Birləşmiş Xəstəxanası, Ak. M.Ə.Mirqasımov adına Respublika Klinik Xəstəxanası və Sabunçu Tibb Mərkəzi daxildir.

2023-cü ilin yanvar-noyabrında göndəriş alan vətəndaşlar müqaviləli tibb müəssisələrində icbari tibbi sığorta ilə 155 361 tibbi xidmətdən yararlanıb. Bu xidmətlərdən 2 857-si uşaqlara, 152 504-ü isə böyüklərə göstərilib.

Ötən ilin avqustunda Xidmətlər Zərfinə qaraciyər, böyrək və sümük iliyi transplantasiyası xidmətləri daxil edilib. 
 
Agentlik 15 fevral 2016-cı il tarixində Azərbaycan Respublikasının Nazirlər Kabineti yanında İcbari Tibbi Sığorta üzrə Dövlət Agentliyi adı altında fəaliyyətə başlayıb. Prezidentin 2016-cı il 24 noyabr tarixli 1125 nömrəli Fərmanı ilə isə "İcra hakimiyyəti orqanı” hüquqi statusuna malik olan Agentlik əsasında "İcbari Tibbi Sığorta üzrə Dövlət Agentliyi” publik hüquqi şəxs yaradılıb. 
 
Agentliyin Nizamnaməsi Azərbaycan Respublikası Prezidentinin 2017-ci il 6 sentyabr tarixli 1592 nömrəli Fərmanı ilə təsdiq edilib.
 
Aytac 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb