Ötən il nə qədər şəxs aktiv məşğulluğa cəlb edilib? - Rəsmi
09.01.2025 12:47
2024-cü ildə ölkə ərazində 396,7 min nəfər aktiv məşğulluq proqramına cəlb edilib. Bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin hesabatında qeyd olunub.
Hesabat dövründə 160 min şəxs münasib işlərlə təmin olunub, 17,3 min şəxs isə kiçik ailə təsərrüfatlarını yaratmaları üçün özünüməşğulluq proqramından yararlana bilib.
Bundan əvvəl əmək və əhalinin sosial müdafiə naziri Sahil Babayev bildirib ki, son üç ildə Dövlət Məşğulluq Agentliyi 1600 peşə hazırlığı kursunu təşkil edib.
Eyni zamanda nazir söyləyib ki, Qarabağa qayıdan vətəndaşların 85%-i məşğulluqla təmin edilib.
Gülnar Nazimqızı
www.anews.az
Foto 
Video 
