Təyyarə qəzası ilə bağlı XİN adından saxta məlumatlar yayılır

Sosial şəbəkələrdə Azərbaycan Xarici İşlər Nazirliyi adından "Azərbaycan Hava Yollarına” məxsus sərnişin təyyarəsinin ötən il dekabrın 25-də Aktauda qəzaya uğraması ilə bağlı saxta məlumatlar yayılıb. 

İnformasiyalarda XİN-in mətbuat xidməti adından iddia edilir ki, qəza ilə bağlı araşdırmanın ilkin nəticələri guya hava gəmisinin quşlarla toqquşmasını təsdiq edir. Bununla yanaşı, fake məlumatda Azərbaycanın yalan məlumatların yayılmasına görə Rusiyadan üzr istədiyi də qeyd olunub.