Tokio-2020 Yay Olimpiya Oyunlarında gümüş medal qazanmış gürcüstanlı cüdoçular Vaja Marqvelaşvili (66 kq) və Laşa Şavdatuaşvili (73 kq) karantin qaydalarını pozub.

Hər iki idmançı Olimpiya Kəndini tərk edərək Yaponiya paytaxtının əsas görməli yerlərindən birinə - Tokio qülləsinə gedib.

Onların rəsmi olimpiya formasında fotoları sosial şəbəkələrdə yayılıb. Gürcüstan millisinin ümumilikdə 5 nümayəndəsi həmin ərazidə olub.

Tokio-2020-nin Təşkilat Komitəsi bu gün keçirilmiş brifinqdə məsələ ilə bağlı şərh verməkdən imtina edib. Təşkilat idmançıların və ya digər iştirakçıların qaydaları pozması ilə bağlı hadisənin diqqətlə öyrənildiyini və araşdırıldığını bildirib. Yoxlamaların bütün nəticələri haqqında məlumatın veriləcəyi diqqətə çatdırılıb.