Torpaq sahələrinin satışı qadağan edilir
09.02.2015 11:50
Azərbaycanda fərdi ev tikintisi üçün ayrılmış torpaqların 5 il ərzində satışı qadağan edilib.
ANN.Az Fins.az-a istinadən xəbər verir ki, bu barədə "Bələdiyyə torpaqlarının idarə edilməsi haqqında” Qanuna edilən dəyişiklikdə nəzərdə tutulub.
Prezident İlham Əliyevin təsdiqlədiyi dəyişikliklərə əsasən, bələdiyyələrdən açıq torpaq hərracları və ya müsabiqələri vasitəsilə əldə edilən torpaqlar 5 il satıla bilinməyəcək.
Qanunun 9.1-ci maddəsinə edilən dəyişikliyə görə, bələdiyyənin ərazisində daimi yaşayan və eyni zamanda ən azı beş il müddətində yaşayış yeri üzrə qeydiyyatda olan Azərbaycan Respublikası vətəndaşlarının mülkiyyətinə bu Qanunun 9.8-ci maddəsində müəyyən edilmiş məhdudiyyət nəzərə alınmaqla fərdi yaşayış evinin tikintisi üçün torpağın ayrılması istisna olmaqla, digər hallarda bələdiyyə torpaqları üzərində mülkiyyət və icarə hüquqları yalnız açıq torpaq hərracları və ya müsabiqələri vasitəsilə əldə edilə bilər.
Bundan başqa, qanuna əlavə edilən 9.8-ci maddəyə əsasən, torpaqların dövlət ehtiyacları üçün alınması və beynəlxalq müqavilələrdə müəyyən edilən hallar istisna olmaqla, bu Qanunun 9.1-ci maddəsində müəyyən edilmiş əsaslarla mülkiyyətinə fərdi yaşayış evinin tikintisi üçün torpaq sahəsi əldə etmiş şəxs həmin torpaq sahəsini beş il müddətində özgəninkiləşdirə bilməz. Belə məhdudiyyət bələdiyyənin qərarında və Qanunun 6.2-ci maddəsinə əsasən tərəflər arasında bağlanmalı olan müqavilədə nəzərdə tutulmalıdır.
ANN.Az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
