Tramp “Google” şirkətini məhkəməyə verəcək

Məlumata görə, Tramp "Google”un axtarış sistemində onun haqqında "yalnız pis”, rəqibi Kamala Harris haqqında isə "yalnız yaxşı” materiallar yerləşdirildiyini iddia edib.

Tramp 2024-cü il seçkilərində qalib gələcəyi təqdirdə "Google” şirkətini mühakimə edəcəyi ilə hədələyib və texnologiya nəhəngini vitse-prezident Kamala Harrisin xeyrinə axtarış nəticələrini manipulyasiya etməkdə günahlandırıb. O, "Truth Social” şəbəkəsindəki paylaşımında şirkətin onun haqqında mənfi yazılara üstünlük verən qeyri-qanuni bir sistem qurduğunu iddia edib.

"Google” rəhbərliyi isə Trampın ittihamlarını rədd edərək, alqoritmlərini dəyişmədiyini və axtarış sorğusuna uyğun materialları göstərdiyini vurğulayıb.