Tramp Meksika ilə razılaşıb, Avropa ilə gərginlik davam edir
03.02.2025 21:53
ABŞ Prezidenti Donald Tramp Meksika mallarına tətbiq edilən 25%-lik gömrük rüsumunun tətbiqini bir ay müddətinə dayandırıb. Bu barədə Meksika Prezidenti Klaudiya Şeynbaum X sosial şəbəkəsində məlumat verib.
Tərəflər aparılan danışıqlar nəticəsində razılığa gələrək bir neçə bənddən saziş tərtib edib.
Birincisi, Meksika dərhal şimal sərhədində nəzarəti gücləndirmək üçün 10 min Milli Qvardiya əsgərini yerləşdirəcək. Bu addım Meksikadan ABŞ-a, xüsusilə fentanil kimi narkotiklərin qanunsuz axınının qarşısını almağa imkan verəcək.
ABŞ isə öz növbəsində Meksikaya qeyri-qanuni silah tədarükünün qarşısını almaq öhdəliyini götürüb.
Britaniyanın The Spectator nəşrinin köşə yazarı Metyu Linn hesab edir ki, Avropa mümkün ticarət müharibəsində ABŞ-a qalib gələ bilməz.
O vurğulayıb ki, Avropa iqtisadiyyatını həddən artıq yüksək vergilər və sərt tənzimləmə ilə zəiflədib. Bundan əlavə, bu il Avrozonada artıq iqtisadi durğunluq müşahidə olunur.
Bundan əvvəl Donald Tramp bəyan etmişdi ki, avropalılar ABŞ-dan demək olar ki, heç nə – nə avtomobillər, nə də kənd təsərrüfatı məhsulları almırlar.
O, həmçinin qeyd edib ki, ABŞ-ın Aİ ilə ikitərəfli ticarət balansındakı kəsiri 300-350 milyard dolları ötür.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
