Birləşmiş Millətlər Təşkilatı ( BMT ) ABŞ prezidenti Donald Trampın bütün xarici yardım proqramlarını 90 gün müddətinə dayandırmaq qərarına görə humanitar missiyaları azaltmağa başlayıb. Bu barədə The Guardian yazır.

Belə ki, nəşrin məlumatına görə, BMT-nin Qaçqınlar üzrə Agentliyinin (UNHCR) rəhbəri işçilərə xərclərin məhdudlaşdırılması, bütün beynəlxalq daşımalardan imtina edilməsi və yeni alışların 90 gün müddətinə dondurulması əmri ilə məktub göndərib. BMT QAK 136 ölkədə 122 milyon qaçqına yardım edir.

Birləşmiş Ştatlar BMT-nin əsas donorudur və təşkilatın büdcəsinin 22%-ni təşkil edir. Eyni zamanda, Vaşinqtonun təşkilata borcu hazırda 2,8 milyard dollar təşkil edir.

Bundan əvvəl ABŞ məhkəməsi Trampın qrant və kreditləri, eləcə də digər maliyyə yardım proqramlarını dondurmaq qərarını fevralın 3-dək dayandırmışdı.

Yanvarın 28-də bir neçə qeyri-kommersiya təşkilatı koalisiyası ABŞ Prezidentinin İcra Aparatının İdarəetmə və Büdcə İdarəsinin rəhbərliyinə qarşı iddia qaldırıb.

Aytac 

www.anews.az