Türkiyədə "Xocalı" parkı - FOTOLAR

Türkiyənin paytaxtı Ankara şəhərində Xocalı qurbanlarının xatirəsi üçün ucaldılan Xocalı Soyqrımı Xatirə Parkının açılış tarixi bəlli olub. ANS PRESS-in Türkiyə mətbuatına istinadən verdiyi məlumata görə, Kızılcahamam Bələdiyyəsi və Azərbaycanın Ankardakı Səfirliyinin dəstəyi ilə inşa edilən Xatirə Parkı 26 fevral, Xocalı Soyqrımın 22-ci ildönümü günü istifadəyə veriləcək. Qeyd edək ki, Xocalı Soyqrımı Xatirə Parkının tikintisi işlərinə Kızılcahamam Bələdiyyəsi tərəfindən 26 fevral 2012-ci ildə başlanılıb. Xatirə Parkı Akçay məhəlləsində inşa edilir.Xatırladaq ki, 1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi şəhərində yerləşdirilmiş 366-cı motoatıcı alayının zirehli texnikası və hərbi heyətinin köməyi ilə Xocalı şəhərini işğal edib.Soyqırım nəticəsində 63-ü uşaq, 106-ı qadın, 70-i qoca və qarı olmaqla 613 nəfər Xocalı sakini qətlə yetirildi, 8 ailə tamamilə məhv edilib.ANN.Az