"Turan Tovuz”un legioner futbolçusu Piruzi Marakvelidze zədələnib.

28 yaşlı yarımmüdafiəçi Azərbaycan Premyer Liqasının XXVIII turunda "Sumqayıt”la oyunda sıradan çıxıb.

Tovuz şəhər stadionunda keçirilən görüşün 42-ci dəqiqəsində əzələsi dartılan Marakvelidze mübarizəni davam etdirə bilməyib. Nəticədə baş məşqçi Ayxan Abbasov məcburi əvəzləməyə əl ataraq, onun yerinə Turan Vəlizadəni meydana buraxıb.