"Martın 16-da Ankarada keçiriləcək "Təbii Fəlakətlər: Fövqəladə Halların İdarə Edilməsi və Humanitar Yardım” adlı UTC fövqəladə sammiti ərəfəsində nazirimizin iştirakı ilə təşkilata üzv ölkələrin Xarici İşlər Nazirləri Şurasının iclası keçiriləcək”, - Türkiyə Xarici İşlər Nazirliyi "Twitter” səhifəsində yazıb.
Sammit iştirakçıları fevralda onun cənub-şərqində baş vermiş dağıdıcı zəlzələlərlə əlaqədar Türkiyə ilə həmrəylik ifadə etmək, həmçinin təbii fəlakətlərlə mübarizə və humanitar yardımın göstərilməsi sahəsində birgə tədbirlərin əlaqələndirilməsi məsələlərini müzakirə etmək niyyətindədirlər. Toplantıya Türkiyə prezidenti Rəcəb Tayyib Ərdoğan sədrlik edəcək.
Sammit çərçivəsində ikitərəfli və çoxtərəfli layihələrin müzakirəsi üçün təşkilat üzvlərinin görüşləri planlaşdırılır.
Türk Dövlətləri Təşkilatı 2009-cu ildə Türkdilli Dövlətlərin Əməkdaşlıq Şurası (Türk Şurası) kimi yaradılıb. İndiki adını 2021-ci ilin noyabrında İstanbulda keçirilən sammitdə alıb. Təşkilatda Azərbaycan, Qazaxıstan, Qırğızıstan, Türkiyə və Özbəkistan, Türkmənistan və Macarıstan müşahidəçi qismində iştirak edirlər. Beynəlxalq ictimaiyyət tərəfindən tanınmayan Şimali Kipr Türk Respublikası (KKTC) də qarşıdakı sammitə müşahidəçi qismində dəvət olunub.
Gülnar
www.anews.az
Bizi sosial şəbəkələrdə izləyin !
