Türkiyə Azərbaycanla qaz alqı-satqısı ilə bağlı danışıqları davam etdirir. Bu barədə Türkiyənin energetika və təbii sərvətlər naziri Alparslan Bayraktar bildirib.
"Biz müqavilələrin 70-80%-ni uzunmüddətli, qalan hissəsini isə spot bazar vasitəsilə təmin etmək üçün boru kəməri və mayeləşdirilmiş təbii qaz (LNG) üzrə müqavilələrimizi yenidən strukturlaşdırmağa doğru gedirik. Rusiya, Azərbaycan və İranla danışıqlarımız davam edir”, - A.Bayraktar bu gün "Sabah” qəzetinə müsahibəsində bildirib.
Bundan əlavə, o qeyd edib ki, Türkiyə Amerikanın ExxonMobil şirkəti ilə 4 milyard kubmetrədək LNG-nin alınması üçün müqavilə bağlamaq imkanını müzakirə edir.
"Exxon-a gəlincə, biz indiyədək ABŞ-la yalnız spot əsasda işləmişik, başqa sözlə, ucuz LNG var idi və biz qışa və onun sonuna yaxın qaz almışıq 5-10 il müddətinə biz təxminən 4 milyard kubmetr, lakin ola bilsin ki, daha kiçik həcmdə LNG-nin alınmasını müzakirə edirik”, - o qeyd edib.
2021-ci ilin üçüncü rübündə Azərbaycan və Türkiyə "Şahdəniz” yatağının işlənməsinin birinci mərhələsindən hasil edilən 11 milyard kubmetr təbii qazın alqı-satqısına dair yeni saziş imzalayıb. Müqavilə 2024-cü ilin sonunadək (2021-2024-cü illərin dördüncü rübü) ildə 3,7 milyard kubmetr qazın Tbilisi-Ərzurum boru kəməri ilə ixracını nəzərdə tutur.
N.Təbrizli
www.anews.az
Bizi sosial şəbəkələrdə izləyin !
