Türkiyədə bütün hava limanlarında təhlükə səviyyəsi artırılıb

Türkiyə hakimiyyət orqanları ölkədəki hava limanlarında təhlükəsizlik səviyyəsini terror təhdidləri ilə əlaqədar olaraq artırıb. Bu barədə IHA agentliyi məlumat yayıb.

Bu tədbirlər çərşənbə günü Ankarada baş verən terror aktı ilə əlaqədar həyata keçirilib. Təhlükə səviyyəsi sonuncudan əvvəlki səviyyəyə - narıncıya qaldırılıb.

Hava limanlarının giriş və çıxışlarında avtomobillər və sərnişin baqajları əlavə yoxlamadan keçirilir. Hava limanlarında təhlükəsizlik tədbirləri gücləndirilib.

Xüsusilə, İstanbulun Sabiha Gökçen hava limanı sərnişinlərdən təhlükəsizlik tədbirlərinin gücləndirilməsi ilə əlaqədar uçuşdan üç saat əvvəl hava limanına gəlməyi xahiş edir.